ਮਾਂ ਬਿਨ ਪਿਤਾ

ਮਾਂ ਬਿਨ ਪਿਤਾ

ਖ਼ਾਲੀ ਖ਼ਾਲੀ‌ ਅੱਖਾਂ ਨਾਲ ਪਿਤਾ ਦੇਖਦਾ ਹੈ
ਮਾਂ ਬਿਨ ਖ਼ਾਲੀ ਕਮਰਾ

ਕਮਰੇ ਦੀ ਖ਼ਾਲੀ ਥਾਂ 'ਚੋਂ ਦਿਸਦੀ ਹੈ ਉਸਨੂੰ
ਇਕ ਹੋਰ ਥਾਂ
ਜਿੱਥੇ ਮਾਂ ਦੇਖਿਆ ਕਰਦੀ ਸੀ

ਮਾਂ ਦੇ ਖ਼ਾਲੀ ਥਾਂ 'ਚ ਦੇਖਣ ਨੂੰ
ਦੇਖ ਰਿਹਾ ਪਿਤਾ

ਉਹ ਮਾਂ ਦੀ ਐਨਕ ਤੇ ਸਲਾਈਆਂ ਸਾਂਭਦਾ ਕਹਿੰਦਾ-

-ਮੇਰੇ ਕਮਰੇ 'ਚੋਂ ਉਸਦੀ ਤਸਵੀਰ ਚੁੱਕ ਲਓ
ਕਮਰਾ ਭਰਿਆ ਰਹਿਣ ਦਿਓ
ਉਹਦੀਆਂ ਖ਼ਾਲੀ ਅੱਖਾਂ ਨਾਲ

..... ਭੁਪਿੰਦਰ ਪ੍ਰੀਤ

ਸਾਡੇ ਨਾਲ ਜੁੜਨ ਲਈ ਸ਼ੁਕਰੀਆ ! ਤੁਹਾਡੇ ਵਿਚਾਰਾਂ ਦੀ ਉਡੀਕ ਰਹੇਗੀ I ਤੁਸੀਂ ਆਪਣੀ ਜਾਂ ਆਪਣੀ ਮਨ ਪਸੰਦ ਰਚਨਾ ਸਾਨੂੰ ਭੇਜ ਸਕਦੇ ਹੋ - rajlallysharma@gmail.com ਸ਼ੁਕਰੀਆ