ਸਾਊਥਾਲ ਵਿਖੇ ਸ਼ਿਵ ਕੁਮਾਰ ਬਟਾਲਵੀ ਦੀ ਯਾਦ 'ਚ ਮੇਲਾ

ਸਾਊਥਾਲ ਵਿਖੇ ਸ਼ਿਵ ਕੁਮਾਰ ਬਟਾਲਵੀ ਦੀ ਯਾਦ 'ਚ ਮੇਲਾ
ਸ਼ਿਵ ਕੁਮਾਰ ਬਟਾਲਵੀ ਮੇਲੇ ਮੌਕੇ ਆਪਣੇ ਰੰਗ ਬਿਖੇਰਦੇ ਸੋਹਣ ਸ਼ੰਕਰ
ਅਤੇ ਹੋਰ ਕਲਾਕਾਰ। ਤਸਵੀਰ: ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ

ਲੰਡਨ. ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ
6 ਦਸੰਬਰ ૿ ਸ਼ਿਵ ਕੁਮਾਰ ਬਟਾਲਵੀ ਮੇਲਾ ਸਾਊਥਾਲ ਦੇ ਮੌਨਸੂਨ ਵਿਖੇ ਤਲਵਿੰਦਰ ਸਿੰਘ ਢਿਲੋਂ ਵੱਲੋਂ ਕਰਵਾਇਆ ਗਿਆ ਜਿਸ ਵਿਚ ਵੱਡੀ ਗਿਣਤੀ ਵਿਚ ਦਕਸ਼ਕਾਂ ਨੇ ਪੰਜਾਬ ਅਤੇ ਇੰਗਲੈਂਡ ਦੇ ਗਾਇਕਾਂ ਦੀ ਕਲਾ ਦੇ ਨਜ਼ਾਰੇ ਵੇਖੇ। ਇਸ ਮੇਲੇ 'ਤੇ ਸਭ ਤੋਂ ਪਹਿਲਾਂ ਕੁਲਦੀਪ ਮਾਣਕ, ਜਗਜੀਤ ਸਿੰਘ ਅਤੇ ਦੇਵ ਅਨੰਦ ਨੂੰ ਦੋ ਮਿੰਟ ਦਾ ਮੋਨ ਰੱਖ ਕੇ ਸ਼ਰਧਾ ਦੇ ਫੁੱਲ ਭੇਟ ਕੀਤੇ। ਸੁਰਿੰਦਰ ਕਲਾਕਾਰ ਨੇ ਸ਼ਿਵ ਦੀ ਰਚਨਾ ਨਾਲ ਮੇਲੇ ਦਾ ਅਗਾਜ਼ ਕੀਤਾ ਅਤੇ ਫਿਰ ਚੱਲ ਸੋ ਚੱਲ ਰਹੀ। ਇਸ ਮੌਕੇ ਸੋਹਣ ਸ਼ੰਕਰ ਨੇ ਬੱਗੇ-ਬੱਗੇ ਬੈਲ ਰੱਖਣੇ, ਪ੍ਰਿੰਸ ਸੁਖਦੇਵ ਨੇ ਚੁੰਨੀ ਲੱਜ ਦਾ ਗਹਿਣਾ ਅਣਖ ਪੰਜਾਬ ਦੀ ਰਾਹੀਂ ਮੁਟਿਆਰਾਂ ਨੂੰ ਨਸੀਹਤ ਭਰੀ ਨਵੀਂ ਰਚਨਾ ਨਾਲ ਚੁੰਨੀ ਦੀ ਅਹਿਮੀਅਤ ਦੱਸੀ, ਇੰਦਰਜੀਤ ਲੰਡਨ ਨੇ ਮੁੰਡੇ ਅੱਥਰੇ ਲੰਡਨ ਦੇ , ਰਾਜ ਸੇਖੋਂ ਨੇ ਮਾਂ ਦੇ ਹੱਥਾਂ ਦੀਆਂ ਰੋਟੀਆਂ ਆਦਿ ਗੀਤਾਂ ਨਾਲ ਖੂਬ ਰੰਗ ਬੰਨ੍ਹਿਆਂ, ਫਿਲਮ ਡਾਇਰੈਕਟਰ ਅਨਿਲ ਅਗਨੀਹੋਤਰੀ, ਦਲਜੀਤ ਘੜੂੰਆਂ, ਦਮਨ ਮਾਹਲ, ਰਾਣੀ ਮਨਜੀਤ ਗਰੁੱਪ ਨੇ ਗਿੱਧਾ ਅਤੇ ਭੰਗੜਾ ਗਰੁੱਪ ਨੇ ਭੰਗੜੇ ਰਾਹੀਂ ਪੰਜਾਬੀ ਸੱਭਿਆਚਾਰ ਦੀ ਪੁਰਾਣੀ ਝਲਕ ਨੂੰ ਨਵੇਂ ਤਰੀਕੇ ਨਾਲ ਪੇਸ਼ ਕੀਤਾ। ਸਟੇਜ ਦੀ ਕਾਰਵਾਈ ਤਲਵਿੰਦਰ ਢਿਲੋਂ ਨੇ ਨਿਭਾਈ। ਅਮਨ ਨੇ ਵੱਖ-ਵੱਖ ਗਾਇਕਾਂ ਨਾਲ ਆਪਣੀ ਕਲਾ ਦੇ ਜਲਵੇ ਬਖੇਰੇ। ਇਸ ਮੌਕੇ ਐਮ.ਪੀ. ਟਿੰਮ ਉੱਪਲ, ਅਜ਼ੀਮ ਸ਼ੇਖਰ, ਗੁਰਚਰਨ ਸਿੰਘ, ਮਨਮੋਹਨ ਸਿੰਘ ਖਾਲਸਾ, ਭਿੰਡਰ ਆਦਿ ਪਹੁੰਚੇ ਹੋਏ ਸਨ। source-ajitjalandhar.

Thanks for Reading this. Like us on Facebook and Subscribe to stay in touch.