ਬੰਗਾ 'ਚ ਹੋਇਆ ਯਾਦਗਾਰੀ ਕਵੀ ਦਰਬਾਰ

ਬੰਗਾ 'ਚ ਹੋਇਆ ਯਾਦਗਾਰੀ ਕਵੀ ਦਰਬਾਰ
ਪੰਜਾਬੀ ਸਾਹਿਤ ਸਭਾ ਬੰਗਾ ਵੱਲੋਂ ਕਰਵਾਏ ਕਵੀ ਦਰਬਾਰ 'ਚ ਰਚਨਾਵਾਂ ਪੜ੍ਹਦੇ ਹੋਏ
ਕਵੀ ਅਤੇ ਵਿਚਾਰ ਪੇਸ਼ ਕਰਦੀਆਂ ਹੋਈਆਂ ਵੱਖ-ਵੱਖ ਹਸਤੀਆਂ। ਤਸਵੀਰਾਂ : ਲਧਾਣਾ

ਪੰਜਾਬੀ ਸਾਹਿਤ ਸਭਾ ਬੰਗਾ ਵੱਲੋਂ ਪੰਜਾਬ ਰੇਡੀਓ ਲੰਦਨ ਦੇ ਸਹਿਯੋਗ ਨਾਲ ਖ਼ਾਲਸਾ ਹਾਈ ਸਕੂਲ ਬੰਗਾ ਦੇ ਹਾਲ ਵਿਚ ਕਰਾਇਆ ਕਵੀ ਦਰਬਾਰ ਆਪਣੇ ਬਹੁਪੱਖੀ ਪ੍ਰਭਾਵ ਕਾਰਨ ਸਰੋਤਿਆਂ ਅਤੇ ਸ਼ਾਇਰਾਂ ਦੇ ਚੇਤਿਆਂ ਵਿਚ ਡੂੰਘਾ ਉਕਰ ਗਿਆ। ਇਸ ਸਮਾਗਮ ਦੇ ਪ੍ਰਧਾਨਗੀ ਮੰਡਲ ਵਿਚ ਪ੍ਰਿੰਸੀਪਲ ਸ: ਸਰਵਣ ਸਿੰਘ ਢੁੱਡੀਕੇ, ਸ: ਰਘਵੀਰ ਸਿੰਘ ਟੇਰਕਿਆਣਾ, ਸ: ਪੀ. ਐਸ. ਪੁਰੇਵਾਲ ਅਤੇ ਡਾ: ਰਾਜ ਰਾਣੀ ਸ਼ਾਮਿਲ ਸਨ। ਸਮਾਗਮ ਦੇ ਮੁੱਖ ਮਹਿਮਾਨ ਗੀਤਕਾਰ ਸ: ਸ਼ਮਸ਼ੇਰ ਸਿੰਘ ਸੰਧੂ ਸਨ, ਜਦਕਿ ਸ੍ਰੀ ਗੁਰਚਰਨ ਸਿੰਘ ਸ਼ੇਰਗਿੱਲ ਸੰਸਥਾਪਕ ਅਮਰਦੀਪ ਸ਼ੇਰਗਿੱਲ ਕਾਲਜ ਮੁਕੰਦਪੁਰ, ਸ: ਸ਼ਮਸ਼ੇਰ ਸਿੰਘ ਰਾਏ ਪੇਸ਼ਕਾਰ ਪੰਜਾਬ ਰੇਡੀਓ ਲੰਦਨ ਵਿਸ਼ੇਸ਼ ਮਹਿਮਾਨ ਵਜੋਂ ਸ਼ਿਰਕਤ ਕਰਤਾ ਬਣੇ। ਇਸ ਕਵੀ ਦਰਬਾਰ ਦੇ ਪ੍ਰਭਾਵਸ਼ਾਲੀ ਅਸਰ ਨੂੰ ਬਿਆਨਦੇ ਹੋਏ ਆਪਣੇ ਪ੍ਰਧਾਨਗੀ ਭਾਸ਼ਣ ਵਿਚ ਸ: ਸ਼ਮਸ਼ੇਰ ਸਿੰਘ ਸੰਧੂ ਨੇ ਇਸ ਦੇ ਮਿਆਰ ਦੀ ਭਰਪੂਰ ਪ੍ਰਸੰਸਾ ਕੀਤੀ। ਇਸੇ ਸਾਹਿਤਕ ਪ੍ਰਭਾਵ ਸਦਕਾ ਪ੍ਰਿੰ: ਸਰਵਣ ਸਿੰਘ ਹੋਰਾਂ ਨੇ ਇਸ ਦੀ ਭਰਪੂਰ ਤਾਰੀਫ਼ ਕੀਤੀ।
ਇਸ ਯਾਦਗਾਰੀ ਕਵੀ ਦਰਬਾਰ 'ਚ ਆਪਣੀ ਰਚਨਾਤਮਕ ਕਾਵਿ ਪ੍ਰਤਿਭਾ ਦਾ ਲੋਹਾ ਮੰਨਵਾਉਣ ਵਾਲੇ ਕਵੀਆਂ ਵਿਚ ਸ: ਸ਼ਮਸ਼ੇਰ ਸਿੰਘ ਸੰਧੂ, ਕਸ਼ਿਸ਼ ਹੁਸ਼ਿਆਰਪੁਰੀ, ਸ: ਰਘਵੀਰ ਸਿੰਘ ਟੇਰਕਿਆਣਾ, ਜ਼ਮੀਰ ਅਲੀ ਜ਼ਮੀਰ, ਕੁਲਵਿੰਦਰ ਕੁੱਲਾ, ਸੁਭਾਸ਼ ਕਲਾਕਾਰ, ਰਾਮ ਸ਼ਰਨ ਜੋਸ਼ੀਲਾ, ਹਰਿੰਦਰ ਸਿੰਘ ਬੀਸਲਾ, ਹਰਬੰਸ ਹੀਉਂ, ਤਰਸੇਮ ਸਾਕੀ, ਗੁਰਚਰਨ ਬੱਧਣ, ਡਾ: ਅਮਰਜੀਤ ਅਨੀਸ, ਸਮਰਜੀਤ ਸ਼ਮੀ, ਅਸ਼ੋਕ ਅਸ਼ਕ, ਜਸਵਿੰਦਰ ਮਹਿਰਮ, ਮਨੋਜ ਫਗਵਾੜਵੀ, ਤਰਸੇਮ ਸਮਾਣਾ, ਸੁਰਜੀਤ ਗੱਗ, ਦੇਵ ਰਾਜ ਕਾਦਰ, ਗੁਰਬਚਨ ਸਿੰਘ ਲਾਡਪੁਰੀ, ਅਮਨਦੀਪ ਦਰਦੀ, ਹਰਪ੍ਰੀਤ ਸਿੰਘ ਰਾਹੋਂ, ਸਿਕੰਦਰ ਪਾਲ, ਸੁਖਵਿੰਦਰ ਗੋਬਿੰਦਪੁਰੀ, ਡਾ: ਰਾਜ ਰਾਣੀ, ਸੁਨੀਲਮ ਮੰਡ, ਪਰਮਜੀਤ ਪਰਮ, ਸੁਰਿੰਦਰ ਕੌਰ ਚਿੰਗਾਰੀ, ਗੁਰਦੀਪ ਦੀਪੀ, ਕੁਮਾਰੀ ਕਿਰਨ ਰਾਏ, ਝਿੰਗੜ ਅਤੇ ਪਰਮਜੀਤ ਹੀਉਂ ਸ਼ਾਮਿਲ ਸਨ। ਮੰਚ ਸੰਚਾਲਨਾ ਸ੍ਰੀ ਹਰਬੰਸ ਹੀਉਂ ਵੱਲੋਂ ਬਾਖੂਬੀ ਨਿਭਾਈ ਗਈ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਸ੍ਰੀ ਪਰਮਜੀਤ ਸਿੰਘ ਖਟੜਾ ਚਾਹਲ ਕਲਾਂ, ਮੋਹਣ ਬੀਕਾ, ਕਹਾਣੀਕਾਰ ਅਜਮੇਰ ਸਿੱਧੂ, ਜਸਵੰਤ ਬੰਗਾ, ਜਰਨੈਲ ਸਿੰਘ ਫਿਰੋਜ਼ਪੁਰ, ਮੰਗਤ ਰਾਏ ਰੋਪੜ ਆਦਿ ਹਸਤੀਆਂ ਸਰੋਤਿਆਂ ਵਿਚ ਸ਼ਾਮਿਲ ਸਨ।

source- Ajitjalandhar.com ਸੁਰਿੰਦਰ ਸਿੰਘ ਕਰਮ
-ਪਿੰਡ ਤੇ ਡਾਕ: ਲਧਾਣਾ ਉੱਚਾ, ਜ਼ਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ-144510. ਮੋਬਾਈਲ : 98146-81444.

Thanks for Reading this. Like us on Facebook and Subscribe to stay in touch.