ਦੋ ਪੁੜਾਂ ਵਿਚਕਾਰ... ਗ਼ਜ਼ਲ...ਮਨਜਿੰਦਰ ਧਨੋਆ

ਦੋ ਪੁੜਾਂ ਵਿਚਕਾਰ.../ ਗ਼ਜ਼ਲ.../ ਮਨਜਿੰਦਰ ਧਨੋਆ

ਰਾਗ ਅੰਨ੍ਹੇ, ਸ਼ਬਦ ਕਾਣੇ ਹੋ ਗਏ
ਕਿਸ ਤਰ੍ਹਾਂ ਦੇ ਨਾਚ ਗਾਣੇ ਹੋ ਗਏ

ਕਿੱਲ ਕਾਂਟੇ ਚੁਗਣ ਬੱਚੇ ਪੇਟ ਲਈ
ਬਿਨ ਸਕੂਲਾਂ ਤੋਂ ਸਿਆਣੇ ਹੋ ਗਏ

ਸ਼ੁਕਰੀਆ ਬਰਸਾਤ ਤੇਰਾ ਸ਼ੁਕਰੀਆ
ਖਾਣ ਜੋਗੇ ਚਾਰ ਦਾਣੇ ਹੋ ਗਏ

ਦੋ ਪੁੜਾਂ ਵਿਚਕਾਰ ਫਿਰ ਨਾ ਬੋਲਦੇ
ਲੋਕ ਕਿਓਂ ਏਨੇ ਨਿਤਾਣੇ ਹੋ ਗਏ

ਸੋਚ ਓਹਨਾਂ ਦੀ ਸਿਮਟ ਕੇ ਰਹਿ ਗਈ
ਜਦ ਘਰਾਂ ਤੋਂ ਓਹ ਘਰਾਣੇ ਹੋ ਗਏ

ਬਣ ਗਏ ਪੱਥਰ ਦਿਲੇ ਨੇ ਆਦਮੀ
ਸ਼ੀਸ਼ਿਆਂ ਵਰਗੇ ਨੇ ਬਾਣੇ ਹੋ ਗਏ

Thanks for Reading this. Like us on Facebook https://www.facebook.com/shivbatalvi and Subscribe to stay in touch.