ਦੱਸ ਸਾਡਾ ਕੀ ਕਸੂਰ
ਰਾਹਾਂ ਤਕ ਤਕ ਹੋਇਆ ਬੁਰਾ ਹਾਲ ਸੱਜਣਾ
ਵੇ ਤੇਰੇ ਲਾਰਿਆਂ ਪਤਾ ਨਹੀਂ ਕਦ ਮੁੱਕਣਾ
ਮੁੱਕ ਗਿਆ ਸਾਲ ਸੱਜਣਾ
ਤੂੰ ਤਾਂ ਕਿਹਾ ਸੀ ਵਿਸਾਖੀ ਨੂੰ ਹੈ ਆਉਣਾ
ਮੈਂ ਨਿੱਤ ਰਹੀ ਦਿਨ ਗਿਣਦੀ
ਮੇਰੇ ਜਿੱਡੀ ਵੇ ਜਵਾਨ ਸਰੋਂ ਹੋ ਗਈ
ਮੈਂ ਗਿੱਠਾਂ ਨਾਲ ਰਹੀ ਮਿਣਦੀ
ਨਾ ਤੂੰ ਆਉਣਾ ਸੀ, ਨਾ ਆਇਆ
ਸਾਨੂੰ ਐਵੇਂ ਤੜਪਾਇਆ
ਜਾ ਕੇ ਭੁੱਲ ਗਿਆ ਸਾਡਾ ਤੂੰ ਖਿਆਲ ਸੱਜਣਾ
ਵੇ ਤੇਰੇ ਲਾਰਿਆਂ ....
ਮੇਰੇ ਵਾਂਗੂ ਹਾਏ ਹੌਕੇ ਹਾਵੇ ਭਰਦਾ
ਲੰਘ ਗਿਆ ਮਹੀਨਾ ਸਾਉਣ ਵੇ
ਕਿਹਨੂੰ ਦੱਸਾਂ ਮੈਂ ਹਿਜ਼ਰ ਦੀਆਂ ਪੀੜਾਂ
ਤੇਰੇ ਬਿਨਾ ਸਾਡਾ ਕੌਣ ਵੇ
ਜਦੋਂ ਆਈ ਸੀ ਦਿਵਾਲੀ,
ਸਾਡੇ ਸੀਨੇ ਅੱਗ ਬਾਲੀ
ਕੀ ਕੀ ਦੱਸਾਂ, ਕੀ ਕੀ ਬੀਤੀ ਸਾਡੇ ਨਾਲ ਸੱਜਣਾ
ਵੇ ਤੇਰੇ ਲਾਰਿਆਂ.....
ਲੱਖਾਂ ਕੀਤੀਆਂ ਤੂੰ ਸੋਹਣਿਆਂ ਕਮਾਈਆਂ
ਸਾਡੀ ਵੇ ਜਵਾਨੀ ਰੋਲ ਕੇ
ਆ ਕੇ ਪੁੱਛ ਕੇ ਤਾਂ ਦੇਖ 'ਪੰਮੀ' ਹਾਲ ਵੇ
ਮੈਂ ਸਾਰੇ ਦੁਖ ਦੱਸਾਂ ਫੋਲ ਕੇ
ਮੁੱਕ ਜਾਣਾ ਏ ਆਖੀਰ
ਸਾਡੀ ਏਹੋ ਤਕਦੀਰ
ਨਹੀਓਂ ਮੁੱਕਣੇ ਜੁਦਾਈਆਂ ਦੇ ਜੰਜਾਲ ਸੱਜਣਾ
ਵੇ ਤੇਰੇ ਲਾਰਿਆਂ..
Paramjit Chumber
No comments:
Post a Comment